Vegabréfin eru klár, byrjuð að pakka niður, búin að kaupa bikini (geggjað flott), strandtösku og sumar föt á strákana, komin með lokkinn í naflann, er að fara í handsnyrtingu og gel á táneglur, og já búin að ná ÖLLUM prófunum og vel það :þ .. uss ég er svo mikill snillingur.
Svo fengu strákarnir sumarklippinguna í gær, ALVEG STUTT. Jón Elí hefur ekki verið með stutt hár síðan hann var tveggja ára eða eitthvað og hann er bara allt annað barn. Ég leit á hann þegar búið var að klippa hann og oft hefur hann nú verið líkur í föðurfjölskylduna en núna oh my god ... hann er bara KLÓN þetta barn! Ég er greinilega ekki nógu frek á mín gen það er nokkuð ljóst, nema spákoppa genin þau er sterk :)
Bara tvær vaktir eftir og svo sumarfrí, förum í borg óttans um helgina þar sem ég ætla að hitta hana Unu mína bestustu, og versla það sem vantar :) ohh hvað lífið er yndislegt og gaman að lifa því :)
Gullkorn.
Jón Elí: Mamma! Einar Oddur er hann með svona ODDA út um allt??
Mamma: Við þurfum að fara í heimsókn til langömmu þegar við förum til Rvk. Jón Elí: Já hvernig er hún aftur á LITINN!!
Vantar bara alveg í mig bloggandann núna Jóhanna mín en hér koma nokkrir puntkar
- síðasta helgi = snilldin ein, ég er svooo heppin að eiga svona skemmtilega og frábæra vini
- vinnan = já byrjuð að vinna, búin að vinna 3 vaktir og það er bara meiriháttar.
- börnin = alltaf jafn hress, kát og falleg, og prinsessan er BARA sæt labbandi útum allt, dansandi og segjandi NEI við öllu
- þarf að skreppa suður á þriðjudagsmorgun og kem aftur seinnipartinn ... í miður skemmtilegum erindagjörðum
- vikan = er búin að vera frekar erfið og ég er voðalega þreytt eitthvað núna, ætla bara að fara snemma að sofa og gera eitthvað skemmtilegt með börnunum á morgun og njóta þess að vera í helgarfríi
- næsta helgi = kosningar, ætla EKKI að kjósa og verð á næturvöktum alla helgina.
- Lanzarote = eftir 17 daga!!!!!!!!!!!
- Prófin og einkunnir ... hmm einkunnir hvað er nú það .. eitthvað ofan á brauð?? allavega eru mínir kennarar ekkert að flýta sér að gefa svoleiðis!!
Fyrir rúmri viku kom hingað gestur sem ég hreinlega þoli ekki, ég er nú yfirleitt með jafnaðargeð mikið og umburðalynd en þessi gestur fór óendanlega mikið í taugarnar á mér. Og að sjálfsögðu leist gesti þessum best á svefnherbergið mitt og vildi hvergi annarsstaðar vera!! Auðvitað er ég með eindæmum gestrisin og lét gestinum eftir svefnherbergið og svaf í sófanum! Daginn eftir ætlaði ég að reyna að fá gestinn til að fara, opnaði gluggann í svefnherberginu og ryksugaði allt hátt og lágt, og lét öllum íllum látum, ekki varð ég vör við gestinn þann dag þannig að ég var himinsæl um kvöldið þegar ég lagðist upp í rúm sigri hrósandi að hafa endurheimt rúmið mitt. Ekki endist sú sæla lengi því þegar ég lagðist á koddann byrjuðu þessi líka brjáluðu læti í #%&//$$ gestinum. Og auðvitað hlóp ég fram skellti á eftir mér og svaf í sófanum AFTUR. Daginn eftir ákvað ég aftur að reyna að losa mig við gestinn en án árangurs, það er greinilega gott að vera í svefnherberginu mínu því gesturinn vildi bara alls ekki fara, um kvöldið barst mér liðsauki, Elva og Ólöf mættu á svæðið. Eftir langa stund og mikið pepp og margar tilraunir til að hjóla í gestinn ákvað Ólöf að vera hetja, setti klút fyrir andlit sitt og mokkavetlinga á hendur og arkaði inní herbergi vopnuð kústi!! Hún hjólaði í gestinn af miklu afli og öskraði “ÉG SKAL DREPA ÞIG HELVÍTIÐ ÞITT”, eftir langan tíma og mikið öskur heyrðist ennþá zzzzzzzzz, og loksins ákvað Ólöf að sleppa vopninu (kústinum) og hlaupa út því það var orðið nokkuð ljóst að þessu gestur væri ódrepandi og mjög ákveðinn í að eiga heima í herberginu mínu.
Nú voru góð ráð dýr, hvað átti ég að gera?? Selja íbúðina? Sofa í sófanum það sem eftir er? En svo fékk Elva mín snilldarhugmynd, hringja í lögguna!
Hingað mættu 2 lögregluþjónar í fullum skrúða og örkuðu inní svefnherbergið mitt vopnaðir glasi og blaði! Eftir langa stund komu þessir heiðurmenn út sigrihrósandi með RISA RANDAFLUGUNA í glasi! Þetta hefur án efa verið aðalabrandarinn á stöðinni í nokkra daga og við erum núna þekktar sem flugu stelpurnar.
Eftir þetta tók ég afdrifaríka ákvörðun annaðhvort flyt ég til Alaska þar sem alltaf er kalt og engar helvítis flugur eða ég næ mér í mann sem getur drepið flugur..... læt ykkur vita þegar ég er búin að ákveða hvort verður
Ætlaði að setja inn snilldarsögu hérna en nenni því ekki fyrst það er greinilega enginn að lesa þetta.. allavega commentar enginn .. held ég hætti bara að blogga
Aðferðafræði rannsókna !!! já það er það sem ég er að læra núna, og ég get svarið það að þetta er það leiðinlegasta sem ég hef lesið, próf á morgun og ég er alveg úti að aka . En þetta hlýtur nú að reddast einsog allt annað.
Vildi óska að það væri kominn 12. maí ... þá væri ég búin í prófunum og á heimleið. Sakna gullmolanna minni endalaust mikið, KB er byrjuð að labba og móðirin missti af því :´(
Ætla að halda áfram að lesa um rýnihópa, þemagreiningu, greinandi aðleiðslu og fleira skemmtilegt.
En eitt að lokum, Ef ykkur vantar gistingu á Akureyri í sumar endilega hafið samband, stórglæsilega íbúðin mín verður ónotuð í sumar þannig að endilega nýtið ykkur það :)
þriðjudagur, maí 30, 2006