1. september runninn upp!! Þetta er yndislegur dagur, nýtt kvótaár og í dag eru líka nákvæmlegas 6 ár síðan að frumburðurinn leit dagsins ljós, já fallegi strákurinn minn hann Ágúst Helgi á afmæli í dag. Og það er sko margt búið að gerast hjá honum undanfarið, hann er byrjaður í skóla, hann er með lausa tönn og er búinn að læra að BLÍSTRA!! ótrúlegt hvað tíminn líður hratt.

Svo er prinsessan sko komin á fullt, komin með TVÆR tennur, orðin 8 kíló og farin að rífa og tæta, hún hleypur um allt í göngugrindinni og er farin að rífa dúkinn af stofuborðinu, hún er sko engin rola, hörkukvenmaður þar á ferð.

Jón Elí finnst ótrúlega ósanngjarnt að fá ekki að fara í skóla, fá ekki að hafa með sér nesti á morgnana og hann er hvorki með lausa tönn eða að fá tönn, hann kvartar mikið undan þessu að hann fái aldrei neitt, og að ég hugsi bara um Kristínu Birnu og kaupi alltaf bara föt á hana en ekki hann..... það er sko erfitt að vera miðjubarnið ;) ...

Svo verður sko svaka matarboð hér á laugardaginn, innflutningsmatarboð fyrir fallegu og góðu vinkonur mínar, það verður án efa rosalega gaman, mikið spjallað og mikið hvítvín hehe ;)

Jæja held þetta sé orðið gott í bili
verið góð hvort við annað, og til hamingju með nýja kvótaárið ;)
kveðja
Katrín

    Katrin @ 00:15