1. september ... MERKILEGUR DAGUR! Í dag hófst nýtt kvótaár, frumburður minn hann Ágúst Helgi er 5 ára í dag og ég eignaðist lítinn frænda í dag þar sem Eyþór frændi og Jóna eignuðust son í nótt.

Skólinn er byrjaður og það er bara fínt, líst bara ágætlega á að vera byrjuð aftur.

Jón Elí var alls ekki sáttur við að eiga ekki afmæli í dag og varð hann alveg brjálaður í morgun yfir því, það var sama hvað hann sagði oft "pííííss (please) mamma má ég eiga afmæli í dag og gefa öllum krökkunum á leikskólanum ís..... þá ert þú besta mamma mín í öllum heiminum" svarið var alltaf nei þú átt afmæli í apríl ekki núna! Þannig að hann rauk í fýlu og sagði að ég væri leiðinlegasta mamma sín í öllum heiminum hehe hann er snillingur.

Annars er bara fínt að frétta, fékk smá kaupæði um helgina og keypti mér meðal annars aðra orkídeu, fjólubláa og passar hún vel við hliðina á hinni sem er hvít. Svo keypti ég mér líka myndaramma utan um myndina af Gústa bróðir, komin tími á nýjan rammi búin að vera í sama rammanum í 12 og hálft ár...... vá hvað tíminn er fljótur að líða.

jæja skrifa meira seinna
knús og kossar til ykkar frá Akureyrinni

    Katrin @ 17:44